REVISTA DO COLEXIO

Extra, extra! Presentámosvos a revista deste curso 2024-2025. Agardamos que a desfrutedes tanto coma nós! 

https://www.calameo.com/read/0079736783a2c3f79fed8?authid=EC9NKYoOFAjD

Bo verán! 😎

LISTAXE MUSICAL COLABORATIVA ENTRE CENTROS

Dende o EDLG do noso cole e dos IES Rosais 1 e 2 creamos esta listaxe colaborativa en Spotify con cancións en galego co fin de promover a escoita de grupos novos que están a dinamizar o panorama musical galego animando así ao noso alumnado a coñecelos!

Podedes acceder a ela picando AQUÍ ou ben a través do seguinte QR

Agardamos que gozedes con ela! 😎

O SAN XOAN

Como sabedes, en xuño celebramos o San Xoán. Deixámosvos por aquí algúns recursos para que gozedes desta festa máxica! 👀

Velaquí tedes as sete herbas do San Xoan:

💫

RETO DO MES DE XUÑO

Velaquí tendes o derradeiro reto deste curso 2024-2025. Ánimo que rematamos! 😍

RETO DO MES DE MAIO

 Bulide! 😎

LETRAS GALEGAS 2025

Como sabedes, cada 17 de maio celebramos o Día das Letras Galegas homenaxeando a diferentes figuras da cultura da nosa terra. Este ano, adícase ás cantareiras e á poesía popular de tradición oral. 

As cantareiras preservaron a nosa lingua por medio das súas cantigas e crearon unha poesía popular que transmitiron de nais a fillas, de avoas a netas... Para as representaren foron escollidas Adolfina e Rosa Casás (de Cerceda), Eva Castiñeira (de Muxía), e Prudencia, Asunción Garrido e Manuela Lema que foron tres das integrandes das Pandeireteiras de Mens (na Malpica de Bergantiños).

Velaquí vos deixamos algúns recursos para que gozedes desta festa! 👏

Aquí tedes uns vídeos explicativos moi interesantes:

E os tres capítulos desta serie documental creada para as Letras Galegas titulada "se canto é porque quero" que afonda na figura das cantareiras homenaxeadas:

Deixamos por aquí esta adaptación con pictogramas dunha cantiga das Pandeireteiras de Mens para que a desfrutedes! 💃

Se premedes AQUÍ accederedes a xogos da páxina web Primavera das Letras.

Se picades AQUÍ veredes diferentes vídeos desta mesma páxina web.

Se picades NESTE ENLACE atoparedes diferentes recursos en liña vinculados coas cantareiras.

NESTE ENLACE temos acceso a moitos recursos en papel que tamén resultan moi interesantes para traballar esta conmemoración dende as aulas 👀

Por último, se premedes AQUÍ accederedes a imaxes de arquivo nas que podedes coñecer ás protagonistas desta festa.

OS MAIOS

Como sabedes, ao comezo do mes de maio festexamos a Festa dos Maios. Velaquí vos deixamos unha pequena presentación para que coñezades un chisco máis sobre esta fermosa festa.

Tamén vos deixamos este pequeno vídeo no que podedes ver todo o traballo que hai detrás destas figuras:

Como víchedes na presentación, os Maios adoitan acompañarse de coplas cantadas por nen@s. Aquí tedes algúns exemplos:

Os Maios celébranse moito en Ourense. Mirade que ben o pasan nestes vídeos! 👀

E por último, algunhas cancións para animarnos a festexar os Maios!💃

 

😎